|
اضرب الكايد على هذا الزمان
وخل عيونك للمعـزه مفتحـه
|
|
الزمن ياصاحبي مالـه امـان
كنه جيوش(ن) علينـا مسلحـه
|
|
الشجاع يفوز وقت الامتحـان
والجبان يخاف وقت المذبحـه
|
|
لاتخاف الظلم من واحد جبـان
ولاتهين النفس لاجل المصلحه
|
|
انصر المظلوم في ابعد مكـان
وساعد اللي ينتخيبك وافرحـه
|
|
وعاون اللي يعتنيبـك بالزمـان
واكرم اللي يكرمك واستسمحه
|
|
ومن يعزك كون له ذخر وامان
ومن يذمك بالشعـر لاتدمحـه
|
|
ومن يودك بادله نفس الحنـان
ومن يخونك من حياتك امسحه
|
|
الزمن مايحترم صاحب كيـان
لو نواها ينطح اللـي ينطحـه
|
|
الغني لو يقضي ايامه مصـان
باجر الدنيـا تـدور وتجرحـه
|
|
لك نصيحه كلها هيبـه وشـان
من ضميري للوجيـه المفلحـه
|
|
هالله هالله في صلاتك ورمضان
وانصح اللي واجب انك تنصحه
|
|
واستعين بربنا طـول الزمـان
وكل همن من حياتـك ينزحـه
|
