|
ياهاجسي لاهب ريحك عبيـر وهيـل
ذعذع لأخو سعده على هاجس الراحـه
|
|
يامسندي في ساعت(ن) قشرة تهد الحيل
ياقمرة اللي سرى من دون مصباحـه
|
|
الجيل ياعايد ورث من هـذاك الجيـل
صدق النفوس اللي من العز مرتاحـه
|
|
بس اختلاف الزمن خلا العقول اتزيـل
من فكرها اللي سعينا انبرمج اصلاحه
|
|
ياعايد قلوب الرجـال مغفلـه تغفيـل
وماكل قلب(ن) مـع يمنـاي مفتاحـه
|
|
والقلب من كثر القحط ماكفـاه السيـل
مبطي وانا اتعب عشان ازود افراحـه
|
|
والقلب من زود التعب جبت له تحليـل
يمكن يبيـن لنـا وش سبـة اجراحـه
|
|
لو اني نمت الصبح والا سهرت الليـل
مايختلف توقيت تيمـا عـن الواحـه
|
|
بس المهم اني عشقت الشعـر والخيـل
وافعال ربعي بحد السيـف وارماحـه
|
|
احفاد ابن برغوث امجادهـم كالسيـل
اخوان سعده علـى الشـدات نطاحـه
|
|
واللي يغثنا نبي ندبـل عليـه الكيـل
وانعلمه مجدنـا وانصـادر اسلاحـه
|
|
ونهر الفرات ايجف من طيبنا والنيـل
واللي يتحدى يجينـا وينـزل الساحـه
|
|
رصيدنا ماهـو بالدانـه ولا التمويـل
رصيدنا مفتوح واظمن لـك ارباحـه
|
