|
على درب النسيم اللي مابيـن وبيـن
ورى تيما وبيت العـود مـن دونـه
|
|
على موتر قديم(ن) يشتكي من البيـن
مثل راعيه لو عان الزمـن عونـه
|
|
لمح قلبي غلاه اللـي مـع الغالييـن
ثلاث سنين يحسبهـا علـى هونـه
|
|
على جاكور جديد(ن) من موديل الفين
وإذا شافـوه خـلـق الله يهابـونـه
|
|
تبناهـا الاميـر وحطهـا بالعيـن
وحجب عنها عيون القـوم وعيونـه
|
|
وتغطرسها تغطرس حاكم(ن) مسكين
يحب كل الشعـوب اللـي يحبونـه
|
|
وإذا مرت على شيخ(ن) كلاه الديـن
زبن بيـت الاميـر وسـدد ديونـه
|
|
مثل قلبي تعب من صـدت الوافييـن
يبادلهم مـن الاحسـاس وشجونـه
|
|
من الاشواق ارسل له مابيـن وبيـن
عسـاه ايحـس واتميلـي غصونـه
|
|
سرى حبي مع حبها ثـلاث سنيـن
وكل منا طنخ راسـه علـى لونـه
|
|
وكن القلب من عقبـه بـلا تأميـن
وكل ضيقه عقب فرقـاه مضمونـه
|
|
وانـا كلـي فـدا لعيونـه الثنتيـن
من اول درب لآخر درب يمشونـه
|
|
امر بيته على النيـه واشوفـه ويـن
وحول البيـت اخوانـه يحرسونـه
|
|
رعاك الله يالغالـي مـن الواشييـن
ياجوهره من عيون الناس مصيونـه
|
|
وكل ليله اقول امـن العنـى آميـن
عساك اتحـس بالهجـران وشلونـه
|
