|
يوم(ن) يجونه وقايـل القـول قايـل
قالـوا توفـى قايـد(ن) للسناعيـس
|
|
رابع ليالـي العيـد والدمـع سايـل
ودموع عيني فوق خـدي متاريـس
|
|
النـوم ماذوقـه مـن العيـن زايـل
من عيني اللي ساهرت بالهواجيـس
|
|
قلبـي يفـور بحاميـات الغـلايـل
كنه على جمر(ن) يحوس المحاميس
|
|
كنـي سجيـن(ن) ربطـوه بسلايـل
كني سجين(ن) وسط قفص المحابيس
|
|
قفـار تشكـي يـاطـلال الثقـايـل
وبرزان تطفـي نورهـا والفوانيـس
|
|
تبكي عليك الـدار ورجـال حايـل
وتبكيـك شمـر كلهـا والسناعيـس
|
|
تبكي على شيـخ(ن) يشيـخ القبايـل
اجداده اللي أسسو الحكـم تأسيـس
|
|
اجـداده اللـي مثبتـيـن الفعـايـل
من فعلهم نالـوا جميـع النواميـس
|
|
شيخ(ن) ابد ماهاب صعب الهوايـل
شيخ(ن) حشيم وحشمته بالمجاليـس
|
|
من روسهم من روس كـل القبايـل
ابن الرشيد الـي زبـون النواميـس
|
|
ظل(ن) على المظلوم بـرد الظلايـل
ونار(ن) على الظالم بضرب المقابيس
|
