|
قرب وسمعني نبرة صوتك المبحـوح
واما اقرب واسمعك نبـرة احزانـي
|
|
الجرح مايشكي لكنـه يعشـق البـوح
والجرح صاير مع الضيقات عنوانـي
|
|
مجروح قلبك وقلبي من العنا مجروح
وقلبك مثل قلبي لـه ايـام سهرانـي
|
|
مامرني ليل وقلبي مـن عنـاه ينـوح
كن العنـا بالقلـب والـروح ربانـي
|
|
قلبي على جمر لوعات الليالي يفـوح
وشلون اعبر عن اللي وسط وجدانـي
|
|
الوقت ضدي وزماني وقلبي المذبـوح
كني عـدو الزمـان اللـي يتحدانـي
|
|
كن البحر صدري وقلبي سفينة نـوح
تجمعت فيني همـوم اللـي تباطانـي
|
|
اشره على الصاحب اللي تفتديه الروح
الصاحب اللي مع اللوعـات خلانـي
|
|
هذاك لامني شفته بالـوزا مطـروح
اجيـه وافـزع لـو انـه ماتنخانـي
|
|
مسموح لو قلتلك من زعلك مسمـوح
ترا العفو وارثه مـن طبـع جدانـي
|
|
لكن بعض المدح مايستاهل الممـدوح
وبالذات من تمدحه انسـان زعلانـي
|
