|
يارب صبرني على ضيقـة البـال
من الهنوف اللي بهواهـا كوتنـي
|
|
اللي غلاها داخـل القلـب مـازال
وشلون من دفتـر غلاهـا محتنـي
|
|
علمتهـا حـب الطليعـه للابطـال
واثر الطليعه عندهـا لـو جفتنـي
|
|
الصبح مشغولـه بتعليـم الاجيـال
والعصر من جدول غلاها عفتنـي
|
|
تزعل بدون اسباب تظلـم وتختـال
حتى القصايد مـن جفاهـا رثتنـي
|
|
من كثر مافكر بها بكـل الاحـوال
مره من المرات رجلـي عصتنـي
|
|
دربي على تيما وانا مواعد ارجـال
واثر القدم صوب الحبيبـه خذتنـي
|
|
اشرح لها اوضاعي وادزها بمرسال
واقـول ياربـي عسـى صدقتنـي
|
|
الناس تسألني على الدمـع لاسـال
ابكي على حبها وانا اقـول متنـي
|
|
متني يعورني من هموم(ن) اثقـال
والا الحقيقه ابكـي لنهـا نستنـي
|
|
ان جيت ابوصف حسنها بين الامثال
كـل القوافـي بوصفهـا ساندتنـي
|
|
اذا مشت كنها فـرس دون خيـال
تشبه فرس مشعان يـوم ابهرتنـي
|
|
وكنها هلال العيد في شهر شـوال
ومن حولها نجوم الغـلا عايدتنـي
|
|
احبها حب الغني لجمـع الامـوال
وغلاها عندي مانزل لـو جفتنـي
|
|
ينحت لها قلبي من الحـب تمثـال
ويمجـد اشعـارٍ بعـد ماهجتنـي
|
|
ذقت الجفا من حبها الوان واشكـال
وعقب الصبر من جور حبها نفتني
|
|
وعزمت ابهجيها مـع كـل مـوال
مير المشاعر من غلاهـا عصتنـي
|
