|
الضيقـه اللـي مالهـا غيـر الفقيـر
خلهـا تغيـر دارهــا ومنزالـهـا
|
|
يمكـن عقـب تغيرهـا لـه تستديـر
وتعـدل احـوال الزمـن واحوالهـا
|
|
الوقت تعبنـي وانـا بعـدي صغيـر
واشرب مـن الدنيـا قهـر فنجالهـا
|
|
واقـارن اوضـاع الفقـاره بالاميـر
ونتيجـة الواقـع تـزيـد اهمالـهـا
|
|
وبنت الشيوخ من القهـر ماتستشيـر
تبكي علـى ضيـم(ن) يهـد عيالهـا
|
|
تعبت ادورلي علـى الشـده نصيـر
كـن الله خالقنـي وانــا حلالـهـا
|
|
مال العسير الا لها رجـل(ن) عسيـر
وانـا تعبـت انـي افــل حبالـهـا
|
|
وبالنفس حاجات(ن) وانا وضعي مرير
ودي احـقـق غايـتـي وامـالـهـا
|
|
خـل الامانـي مالنـا فيهـا مصيـر
يمكـن يرجعهـا الزمـن لرجالـهـا
|
|
وصوت البعير اذا هدر صوت البعير
يزعـج اذانــي امـهـم وعيالـهـا
|
|
الناس تسبقنـي علـى درب المسيـر
واشوف غيـري يغتنـي مـن مالهـا
|
|
ودي اجي واروي ضماي من الغديـر
لكـن اخـاف انـي اضيـق بالـهـا
|
|
وماهو صحيح تحطنـا قبـل الاخيـر
وانـت تخبـر ياصاحبـي حنـا لهـا
|
|
والمهره اللـي مايروضهـا الاميـر
ابشـر وانـا ياصاحـبـي خيالـهـا
|
