|
اشهد انه مابلـغ تـوه صغيـر
في حليبـه مابعـد تـوه فطـم
|
|
انت جاهل كل همك بس تصير
فاهمٍ معـروف مابيـن الامـم
|
|
من تبيه يصير مثلـك ياغريـر
جاهـلٍ معتـوه ماعنـده ذمـم
|
|
المراجل ماتبي مثلـك قصيـر
وماتبي واحـد يسمونـه قـزم
|
|
انت ماتوصل مواصيل الاميـر
انت جدك راعيٍ يرعى الغنـم
|
|
من يناطـح مايناطحلـه كبيـر
ومن يناطحنا ترا بساع انهـزم
|
|
الطيور انـواع ماكلهـا تطيـر
وانت مثل اللي يطير وينهـزم
|
|
من عهد جدك وانا جدي اميـر
وانت جدك راعيٍ عند العجـم
|
|
انشد السعدون عنـا والظفيـر
وانشد عتيبه وابو منهـو حكـم
|
|
وانشد المطران وعيال السفيـر
وانشد الملحان وعيـال العـزم
|
|
وانشد العاقل ابو فكر(ن) بصير
منهو يعطي بالعطايـا ومانـدم
|
|
بالكرم انشد علينـا كـل فقيـر
وانشد المجنون عنا لـو فهـم
|
|
حنا اهل الغوث واهل المستجير
كلنا برغوث من خال(ن) وعـم
|
|
بالكرم حنـا تـرا مانستشيـر
نشعل النارين من زود الكـرم
|
|
حنا دسمنا شوارب كـل اميـر
والشوارب حنـا نملهـا دسـم
|
|
حنا قوينا سواعـد كـل فقيـر
عقب ماكانت عظام بـلا لحـم
|
|
نحمد الله زادنا خير(ن) كثيـر
غطا عين الشمس من كثر الغنم
|
|
من يجينا ونيته صافي الضمير
اشهد انه من ضوارينـا سلـم
|
|
واخر ايامـك تجينـا ياحقيـر
وتنكر المعروف يابـن الخـدم
|
|
افهم المعنى وميـز مايصيـر
لابتي برغوث من روس الامم
|
|
وكل برغوثي يسمونـه اميـر
وكل برغوثي على روس القمم
|
