|
يالله اني طالبـك عبـد معبـود
تقبل الدعـوات وتحقـق منانـا
|
|
دعوتي عندك وانا صابر تجـود
وياما جودك من خباثتهـم غنانـا
|
|
انتهينا من زمـان ابـلا حـدود
وانتهينا مـن زمـان الله نهانـا
|
|
ابتسم وشلون انا همومي تـزود
ابتساماتـي تـرى اكبـر اهانـا
|
|
لحيتي بيضا وانا شيبـي يـزود
من همومك يازمن شابت لحانـا
|
|
زادت الشدات والحبـل معقـود
والليالي السود زادن فـي بلانـا
|
|
والليالي السـود بالدنيـا تسـود
والحزن شال الفرح واصبح مكانا
|
|
الزمن والناس ضدي والوجـود
والصديق اللي من الدنيـا نسانـا
|
|
واحد(ن) محتاج والثاني حسـود
وثالث(ن) ملعون ماصان الامانا
|
|
يوم جيته معتني طالـب يجـود
كنت احسبه بالوزا يوقف معانـا
|
|
لعنبوا منصب جعل قلبه حقـود
ولعنبوا كرسي ينـزل مستوانـا
|
|
ولعنبوا وقت(ن) به الحاجة تقود
صاحب النفس العزيزة للإهانـا
|
|
احرقي يانار من خـان الوعـود
واحرقي يانار من راح ونسانـا
|
|
واشعلي نيرانها بقلـب الحسـود
والزمن هذا عسى يكتـم غثانـا
|
|
يازمن وش فيك في همي تـزود
ولو يزود الهم ماتوقـف معانـا
|
|
غيرنا تسقيه من كـاس الـورود
وحنـا تسقينـا معانـاة وإهانـا
|
|
القدر مكتوب والعمـر محـدود
ولوعطانا الوقت ياخذ ماعطانـا
|
