|
الشده اللـي تجينـي قلـت ياربـي
فيك اتكالي وعلي الصبر والطاعـه
|
|
يهيض جرحي علي لاذعذع الغربي
وعيني سهيره من الهوجاس ملتاعـه
|
|
والحظ صاير مـع العربـان يلعبـي
والوقت صاير معاهم غير اوضاعـه
|
|
الليل وهمومي اللي داخل(ن) قلبـي
والناس دوني على الثروات طماعـه
|
|
والناس ماترحـم المسكيـن ياربـي
كن السعد عندهـم لازادت اوجاعـه
|
|
وماعاد حب(ن) يساوم بالهوا حبـي
من يوم شفت البشر للحـب بياعـه
|
|
والصاحب اللي نساني واعتزل دربي
وخلاني اتذوق اللوعـات وانواعـه
|
|
والا انـا بالوفـا والطيـب متربـي
وماني من اللي تهينه وتلوي اذراعه
|
|
وترا الشدايد اذا من قربـت قربـي
وراي ناس(ن) على الشدات فزاعـه
|
