|
ياناشد(ن) عن عزوتـي بالمخابيـر
لي عزوة(ن) تسوى ثلاثين عـزوه
|
|
عزوه هلي روس النشامه المشاهير
شمر شموخ العـز للكـون قـدوه
|
|
واجدادي البرغوث روس المناعير
اخوان سعـدة بالعـزاوي نتعـزوه
|
|
حنا لنـا تاريـخ بيـن الاساطيـر
تاريخنا مذكـور فـي كـل نـدوه
|
|
حنـا إذا زاد العـدو بالمغايـيـر
ناط على خشم العـدو لا تـلهـوه
|
|
حنا طنايـا معسكـرات المساميـر
حنـا طنايـا كلنـا طيـور شلـوه
|
|
وعدونـا تايـه يديـر التفاكـيـر
انا اشهد انـه مـن عنانـا تقهـوه
|
|
ويامـا عطينـا بالعطايـا تكاثـيـر
وإذا بغينـا نجعـل الـروح منـوه
|
|
وإن صار عقل الفكـر دون التدابيـر
ارواحنـا وقـت المعاسيـر فـدوه
|
|
والموت كان الموت ربحة مخاسير
حنا طنايـا ولـذة المـوت حلـوه
|
