|
ياهل قطر سلموا على اغلى محبوب
اللـي خـذا قلبـي ضمـان لديتـه
|
|
بعد المسافة عننـا وبعـد الـدروب
أثر على قلبـي وعلـى شخصيتـه
|
|
وبعد المسافة تشتكي منـه القلـوب
وبعد القلـوب أثـر علـى حنيتـه
|
|
القلب يرسل له إذا هـب الهبـوب
من الغـلا يرسـل علـى سيليتـه
|
|
والروح يملكها غلا من كل صـوب
والقلـب بيدينـه تــرى ملكيـتـه
|
|
اخاف لا يبطي وانـا عقبـة اذوب
واصبح ضحية مـن ضحايـا نيتـه
|
|
لكن انا ياصاحبي مانـي مغصـوب
علـى الهجـر لـو كانهـا امنيتـه
|
|
مير الظروف القاسية كنهـا تنـوب
عـن الاميـر الـي ظلـم ذريتـه
|
|
ولا انـا انسـان تعبـه الـهـروب
واكبـر طموحـة تحتـرم حريتـه
|
|
وكثر المشاكل والبلاوي والحـروب
خلـت ابـو لحيـه يحلـق لحيتـه
|
|
وظروفنا لا عاشها الظالـم يتـوب
وهمومنـا تثـر عـلـى نفسيـتـه
|
|
ولاعاشها الكافر عرف معنى الذنوب
يمشي ورى الحسنه ويتـرك سيتـه
|
|
عقلية الوقت الـودر فيهـا نشـوب
الله يسـامـح وقتـنـا وعقليـتـه
|
|
اللي جعل مابيننـا حـدود ودروب
وخـلا مابيـن شعوبنـا رمزيـتـه
|
|
والا انا ماني مع صفوف الشعـوب
انسـان ضايـع والسبـب هويـتـه
|
