|
سهران بين الشعر والمسلميـن رقـود
وقعدت الاعب قصيـدي بيـن قيفانـه
|
|
جتني شياطيني وانـا بالليـال السـود
رقصت شيطاني اللي رقـص اقرانـه
|
|
صحيح انـي فقيـر وراتبـي محـدود
لكن قصيـدي يهـز الكـون واعوانـه
|
|
عثمان انا والمصاعـب قدهـا وقـدود
ماهمنـي اللـي يثرثـر دون ديوانـه
|
|
اغوص بين المعاني واجني المحصـود
لعيون منهو ذكرنـي وسـط وجدانـه
|
|
شاعر واميز قصيدي كان بـه منقـود
والبيت اجيبـه لـو القيفـان زعلانـه
|
|
لو الشعر شاعر(ن) يمشي بدون عضود
لكن تقـص المعانـي سلطـة لسانـه
|
|
كني امير القصايـد والقوافـي جنـود
واعلنت حربي على الظالـم وعربانـه
|
|
مدام قلبي كفو واقسـى مـن البـارود
والله لخلـي قلـوب النـاس طفشانـه
|
|
واللي يحسب الفقـاره مالهـم معبـود
يالله تجعـل همـوم الكـون عنـوانـه
|
|
يالله بيدك تعز الجـود واهـل الجـود
وبيـدك تعـز الفقيـر ويرتفـع شانـه
|
|
والا الردي ماله مع الطيبيـن وجـود
وعسى عيونه مع الضيقات سهرانـه
|
|
والكبوه اللـي تمـر لابدهـا بحـدود
مير الزمن مايرحم المسكين واخوانـه
|
|
والحبل صار الحبـل بيديننـا معقـود
اجسادنـا تضمـا والارواح ضميـانـه
|
|
الناس تتعـب ولكـن تبـذل المجهـود
والبعض يتعب على مصروف وغدانـه
|
|
نصبر ونصبر ولو طول علينـا الكـود
حتـى ولـو ميـل القاضـي بميزانـه
|
|
صحيح ان الزمن في وجهنـا مسـدود
لكـن صبرنـا بـذكـر الله وقـرأنـه
|
